Madonna është tmerrësisht e pikëlluar për vdekjen e papritur të legjendës së muzikës pop, Michael Jackson.Mbretëresha e muzikës pop të shtunën dhe të dielën mbrëma do të performojë në O2 Arena të Londrës (në të njëjtin vend ku Jackson kishte caktuar të mbante 50 koncerte duke filluar nga ky muaj) dhe planifikon që performancën e saj t’ia kushtojë ikonës së muzikës. “Ai ishte Mbreti që na frymëzonte të gjithëve. Jam tmerrësisht e pikëlluar për vdekjen e Michael Jackson. Nuk mendoj se ndonjë artist nuk është inspiruar nga ai. Të gjithë janë rritur nën hijen e tij”, ka thënë Madonna.